Священномученик Киприан,
(Климуц, пресвитер Ятранский 1897 † 1942 г.)
память 27 августа / 9 сентября
Тропарь. глас 5
Во священницех благочестно пожив, верных поучал еси и мучения путь терпеливо восприим, послушлив был еси даже до смерти, священномучениче Киприане, моли Христа Бога спастися душам нашим.
Кондак, глас 2
Восхвалим, вернии, священномученика Христова Киприана, добраго ревнителя веры православныя и земли нашея теплаго молитвенника, иже страданием небесе достиже и тамо молит Христа Бога спастися душам нашим.
Молитва ко священномученику Киприану
О, священномучениче Христов Киприане, добрый пастырю и молитвенниче земли нашея! В годину гонения безбожнаго яви тя Господь пастыря вернаго, душу свою за чад Божиих положивши. И ныне призри на ны и услыши моления наша, огради и сохрани святыми твоими молитвами веси, грады отечества нашего от всякия беды, скорби и напасти. Умоли Господа и Спаса даровати мир церкви нашей, властем предержащим страх Божий и всем православным христианам прощение согрешений их вольных и невольных. Да славится тебе ради в отечестве нашем великолепое имя Пресвятыя Троицы, Отца и Сына и Святаго Духа, ныне и присно и во веки веков. Аминь.
