Священномученик Алексий Могильницкий, пресвитер Лельчицкий
память 7 / 20 октября
Тропарь
Подвигом добрым подвизался еси, и веру соблюл даже до крове, святый священномучениче Алексие, взирая на подвиг твой и мы прославляем прославившаго тя Господа даровавшего нам светильника новаго.
Кондак
От юности твоея веру соблюл еси, и ко Христу многи привел еси пастырем добрым, быв, словесное стадо овец сохраняя, безбожие посрамляя, мучителей обличая. Тем же и Христос кончину твою венча венцем мученичества, мы же прославляя тя взываем: Радуйся Алексие, пресвитеров похвало и мучеников радование.
Молитва ко святому священномученику Алексию
О, святый священномучениче Алексие, новый наш молитвениче и светильниче Церкви Христовой! Взирая на подвиг жития твоего и кончину, юже Христос венцем мученичества венча. Восхваляем подвиг твой, безбожие посрамивший и Церковь Христову прославивший. Сокрушенным сердцем молим тя, утверди в душах наших веру искреннюю и любовь ко Христу нелицемерную, юже ты подвигом смерти своея засвидетельствовал. Простри благоприятную молитву твою ко Господу нашему Иисусу Христу, и Его Пречистей Матери, Владычице нашей Богородице, еже отпусти нам согрешения наше яже содеяхом.
Моли Господа, да сподобит и нас причастники бытии присносущногого веселия и радости, да с Тобою купно удостоимся славити Христа Бога нашего, Ему же честь и поклонение подобает со Безночальным Его Отцем и Пресвятым и Животворящим Его Духом во веки веков. Аминь.
