Святые мученики Антоний, Иоанн и Евстафий Виленские († 1317, 1347)
• память 14 / 27 апреля
• память и 13 / 26 июля в Литовской епархии — второе обретение мощей Виленских мучеников
Тропарь, глас 4
Иже земных чести и славы отвергшеся, доблии и честнии, страдальцы, веры ради крепко и мужественно муки претерпесте, на смерть себе давше за живот всех Владыку: тем же и Христос преславно столпом облачным с небесе вас озари и почестьми и венцы от престола славы венча: со Ангелы Тому предстояще, молите спастися душам нашим.
Ин тропарь, глас 4
От корене неплодна, преблаженнии, возрастивше православныя веры ветви, первомучеником тезоименитии явистеся: злаго бо и нечестиваго князя ярости не убоястеся, повелевающа Христа отрещися, сего ради мученическия венцы приемше и со Ангелы престолу Владычню предстояще, о нас молитеся, преблаженнии, православно чтущих святую память вашу.
Кондак, глас 3
Отеческую прелесть оставльше, святии, приведостеся Христови, всем души усердием стасте мужемудренно до смерти. Темже и взясте победы почесть воистинну, о всех Владыку нашего непрестанно моляще.
Величание
Величаем вас, страстотерпцы святии Антоние, Иоанне и Евстафие, и чтим честная страдания ваша, яже за Христа претерпели есте.
• Служба святым мученикам Антонию, Иоанну и Евстафию, в Вильне пострадавшим
• Антоний, Иоанн и Евстафий (Материал из Православной Энциклопедии)
• Баллада о мучениках (Иерей Oлег Штельман, Свято-Духов монастырь.1997 июнь)

